رجنی کانت سیاسی جماعت بنا ئیں گے

 (24نیوز) معرو ف بھارتی اداکار رجنی کانت بھی سیا سی اکھاڑ ے میں اتر نے کیلئے تیا ر ، سیاسی جماعت بنانے کا اعلان کردیا۔شیوا جی راﺅگائیکواڈ المعروف رجنی کانت نے کہا کہ وہ جنوری میں اپنی سیاسی پارٹی لانچ کرینگے۔ جس کے ایک ماہ بعد تامل ناڈ اسمبلی کے الیکشن ہونگے۔
 تفصیلات کے مطا بق تامل اور کناڈا فلموں کے سب سے معروف اداکار جو ریاست میسور کے ایک مرہٹہ گھرانے میں پیدا ہوئے ان کے بارے میں 1996سے یہ کہا جارہا تھا کہ وہ سیاست میں انٹری دینے والے ہیں، لیکن اس میں دو دہائیوں کی تاخیر ہوئی۔ اب انھوں نے کہا ہے کہ وہ 31 دسمبر کو اس حوالے سے تفصیلات کا اعلان کرینگے۔یاد رہے کہ ریاست تامل ناڈ وکے الیکشن آئندہ موسم گرما میں شیڈولڈ ہیں۔ رجنی کانت نے ٹوئٹر پر اپنے ایک مختصر بیان میں کہا کہ وہ بدعنوانی سے پاک، ایماندار، شفاف اور سیکولر جماعت جوکہ روحانی سیاست کی حامل ہو، کا آغاز کرینگے اور یہ یقیناً آئندہ الیکشن میں فتح حاصل کریگی۔انھوں نے روحانی سیاست کی بعدازاں وضاحت کرتے ہوئے کہا کہ اسکا مطلب ایماندارانہ اور بدعنوانی سے پاک سیاسی جماعت ہوگی۔ اس موقع پر 69 سالہ رجنی کانت نے یہ نہیں بتایا کہ آیا وہ خود الیکشن لڑینگے یا نہیں۔تاہم اس سال مارچ میں انھوں نے کہا تھا کہ وہ نہ تو چیف منسٹرشپ کے امیدوار ہونگے اور نہ ہی الیکشن لڑینگے۔دوسری جانب انکے مداحوں اور پرستاروں کی اکثریت انھیں تامل ناڈو کا وزیراعلیٰ دیکھنے کی خواہش مند ہے۔