اسلام آباد یونائیٹڈ میں شمولیت، نسیم شاہ نے کوئٹہ گلیڈی ایٹرز کیلئے الوداعی پیغام جاری کر دیا

(افضل بلال) اسلام آباد یونائیٹڈ میں شمولیت کے بعد قومی فاسٹ بولر نسیم شاہ نے کوئٹہ گلیڈی ایٹرز کیلئے الوداعی پیغام جاری کر دیا۔

پاکستان سپر لیگ (پی ایس ایل) کے 9 ویں ایڈیشن کے لئے سپیڈ سٹار نسیم شاہ نے کوئٹہ گلیڈی ایٹرز کو الوداع کہہ دیا، اس بار نسیم شاہ اسلام آباد یونائیٹڈ کی جانب سے ان ایکشن ہوں گے، اسلام آباد یونائیٹڈ میں آفیشلی طور پر شمولیت کے بعد نسیم شاہ نے سماجی رابطے کی ویب سائیٹ ایکس (سابقہ ٹوئٹر) پر کوئٹہ گلیڈی ایٹرز کے لئے الوداعی پیغام جاری کردیا ہے۔

یہ بھی پڑھیں: نسیم شاہ کا شاداب خان کی پوسٹ پر جواب سوشل میڈیا پر وائرل

کوئٹہ گلیڈی ایٹرز کے لئے جاری کردہ الوداعی پیغام میں نسیم شاہ نے لکھا کہ ’’الوداع کبھی بھی آسان نہیں ہوتا لیکن میرا وقت کوئٹہ گلیڈی ایٹرز کے ساتھ اختتام کو پہنچا، میں نے اس کے ہر لمحے کا لطف اٹھایا اور ان یادوں کو ہمیشہ یاد رکھوں گا جو میں نے برسوں میں بنائی ہیں‘‘۔

Goodbyes are never easy but my time with @TeamQuetta has come to an end, I have enjoyed every moment of it & will forever cherish the memories I have made over the years.

Thank you for providing me with such an incredible opportunity, especially Nadeem Omar Sb for the trust he… pic.twitter.com/LCfB9htHnM

— Naseem Shah (@iNaseemShah) December 2, 2023

انہوں نے اپنے پیغام میں مزید لکھا کہ ’’مجھے ایسا ناقابل یقین موقع فراہم کرنے کے لیے آپ کا شکریہ، خاص طور پر ندیم عمر صاحب نے مجھ پر جو اعتماد دکھایا، اس کے ساتھ میں اگلے باب کا منتظر ہوں، مجھے اپنی دعاؤں میں یاد رکھنا‘‘۔