ڈالر کی قدر میں کمی، سٹاک مارکیٹ میں کاروبار کا تیزی پر اختتام

(اشرف خان)کاروباری ہفتے کے دوسرے روز بھی روپے کے مقابلے میں ڈالر کی قیمت کم ہو گئی۔

سٹیٹ بینک آف پاکستان کے مطابق انٹر بینک میں امریکی ڈالر  10 پیسے  سستا ہوگیا،انٹر بینک میں ڈالر 277.97  روپے سے کم ہوکر  277.87 روپے پر بند ہوا ۔ 

دوسری جانب اوپن مارکیٹ میں امریکی ڈالر 11 پیسے کمی سے 278.87روپے کا ہوگیا،اوپن مارکیٹ میں یورو 25 پیسے  سستا  ہوکر 292.44  روپے،برطانوی پاؤنڈ 69 پیسے کمی کے بعد 352.54 روپے پر پہنچ گیا جبکہ یو اے ای درہم 2 .76 روپے پر برقرار ہے،سعودی ریال 1 پیسے کم ہوکر 74.19 روپے کا ہوگیا۔

ادھر سٹاک ایکسچینج میں ریکارڈبننے کا سلسلہ جاری ہے،سٹاک مارکیٹ میں کاروبار کا تیزی پر اختتام  ہوا،100 انڈیکس 1284 پوائنٹس کے اضافے سے بند ہوا ،100 انڈیکس1 لاکھ 4ہزار 559 کی نئی بلند ترین سطح پر بند ہوا۔آج سٹاک مارکیٹ میں 18 سال بعد ریکارڈ 56 ارب روپے سے زائد کا کاروبار ہوا۔

یہ بھی پڑھیں:سکولوں سے متعلق اہم اعلان