سندھ کے مزارات ایس او پیز کے تحت کھول دیئے گئے ہیں،سہیل انور سیا ل

(24 نیوز)صو با ئی وزیر اوقاف سہیل انور سیال نے کہا ہے کہ سندھ بھر کے مزارات ایس او پیز کے تحت کھول دیئے گئے ہیں۔ اللہ پاک پاکستان سمیت دنیا بھر سے مہلک وبا کا خاتمہ کرے۔
تفصیلا ت کے مطا بق وزیر اوقاف نے  درگاہ عبداللہ شاہ غازی کا دورہ کیا ۔صوبائی وزیر نے کورونا وائرس کے متعلق ایس او پیز پر عملدرآمد کا جائزہ لیا۔ 
سہیل انور سیال نے ایس او پیز پر سختی سے عملدرآمد کرانے کی ہدایت کی اور کہا کہ کورونا وائرس کے پیش نظر مزارات اور درگاہوں پر زائرین کے لئے طریقہ کار وضع کردیا گیا ہے ۔ زائرین ماسک کا استعمال لازمی اور سماجی فاصلے اختیار کریں۔انہوں نے درگا ہ پر فاتحہ خوا نی بھی کی ۔