رچا چڈھا اور  علی فضل کی شادی۔چرچے اور خرچے۔ نئی اپ ڈیٹ سامنے آگئی

(مانیٹرنگ ڈیسک)بالی ووڈ اداکارہ رچا چڈھا اور  اداکار علی فضل طویل کے درمیان کافی عرصے سے انتہائی قربت ہے، دونوں کے تعلقات کافی مضبوط ہے۔ دونوں کافی عرصے سے اس رشتے کو نیا نام دینے کی کوشش کر رہے ہیں۔ سال 2020 میں اپریل میں ان کی شادی کے چرچے تھے لیکن کورونا کی وبا کی وجہ سے شادی کا منصوبہ ملتوی کرنا پڑا۔ اب دونوں کی شادی کے حوالے سے ایک نئی اپ ڈیٹ سامنے آئی ہے کہ رچا چڈھا اور علی فضل اپنے اگلے پروجیکٹ کی شوٹنگ کے دوران شادی ے بندھن میں بندھ کر اپنے نئے رشتے کا آغاز کریں گے۔

بھارتی ذرائع ابلاغ کی رپورٹ کے مطابق علی فضل اور رچا چڈھا کی شادی اگلے ماہ یعنی مارچ میں ہوگی۔ رچا اور علی کی فلم ’فخرے 3‘ کی شوٹنگ دہلی میں کی جائے گی، اس دوران وہ شوٹنگ سے بریک لے کر دہلی سے ممبئی آئیں گے اور پھر ریت و رواج کے ساتھ شادی کے بندھن میں بندھ کر دوبارہ کام پر لوٹ جائیں گے۔فخرے 3‘ میں پلکیت سمراٹ اور ورون شرما بھی مرکزی کردار میں ہوں گے۔ علی فضل نے ایک حالیہ انٹرویو کے دوران اپنی شادی کا اشارہ دیا تھا۔ ان کا کہنا تھا کہ گزشتہ 2 سال سب کے لئے بیکار رہے اس لئے ہم نے شادی کو کچھ وقت کے لئے روک دیا۔ لیکن ہم نئے سال کے منتظر ہیں۔ انہوں نے کہا تھا کہ کورونا کی وجہ سے شادی میں تاخیر ہو رہی ہے تاہم رواں سال فروری یا مارچ میں دوبارہ منصوبہ بنایا جا سکتا ہے۔
واضح رہے کہ حال ہی میں رچا اور علی نے مل کر ایک پروڈکشن ہاؤس بھی کھولا ہے۔ ان اداکاروں کی آنے والی فلموں کی بات کریں تو علی فضل کے پاس ہالی ووڈ فلم ’ڈیتھ آن دی نیل‘ اور ’فخرے 3‘ سمیت کئی بڑی فلمیں ہیں۔ ساتھ ہی رچا چڈھا تگمانشو دھولیا کی ویب سیریز ’دی گریٹ انڈین مرڈر‘میں مرکزی کردار میں نظر آئیں گی۔

یہ بھی پڑھیں: نازیبا سوال پوچھنےپر اداکارہ نیہا شیٹھی کا صحافی کو کرارا جواب۔۔ویڈیو دیکھ کر لوگ’’ تپ‘‘ گئے