حکومت بجلی کی پیداوار کے لیے مقامی ذرائع پر کام کر رہی ہے: وزیراعظم

 (ویب ڈیسک) وزیراعظم شہبازشریف نے کہا ہے کہ حکومت بجلی کی پیداوار کے لیے مقامی ذرائع پر کام کر رہی ہے۔

وزیراعظم شہباز شریف نے سماجی رابطے کی ویب سائٹ پر ٹویٹ کرتے ہوئے کہا کہ گزشتہ روز کراچی میں پاکستان کے ساتویں نیوکلیئر پاور پلانٹ کا افتتاح کیا، کے تھری کی شمولیت سے جوہری توانائی پیدا کرنے کی صلاحیت 3600 میگاواٹ تک پہنچ چکی ہے۔

I inaugurated the 7th nuclear power plant of Pakistan & 3rd nuclear power plant built in Karachi yesterday. With the induction of K-3, the total nuclear power generation capacity has reached 3600 MW. The K-3 project has added a total of 1100 MW electricity to the national grid.

— Shehbaz Sharif (@CMShehbaz) February 3, 2023

شہباز شریف نے کہا کہ کے تھری منصوبے سے قومی گرڈ میں 1100 میگاواٹ بجلی شامل ہوچکی ہے، حکومت بجلی کی پیداوار کے مقامی ذرائع پر توجہ مرکوز کئے ہوئے ہے، توانائی کے مقامی ذرائع سے ایندھن کی درآمد اور ٹیرف کم کرنے میں مدد ملے گی۔

ان کا مزید کہنا تھا کہ مقامی طور پر پیدا ہونے والی بجلی عام آدمی کو ریلیف دینے میں بھی مدد گار ثابت ہوگی۔

The government is working to diversify the energy mix by focusing on the development of indigenous sources of power generation such as hydropower, coal, & solar. Locally produced electricity will help reduce fuel import, bring down tariff & thus provide relief to the common man. https://t.co/ZIkLPIAFWd

— Shehbaz Sharif (@CMShehbaz) February 3, 2023

واضح رہے کہ گزشتہ روز وزیراعظم شہباز شریف نے چین کی شراکت سے تعمیر ہونے والے کراچی نیوکلیئر پاور پلانٹ کے تیسرے یونٹ ’کے تھری ‘کا افتتاح کیا تھا۔

 اس منصوبے سے ماحول دوست 1100میگاواٹ بجلی حاصل ہوگی جبکہ جوہری توانائی بجلی گھر سے مجموعی پیداوار2200میگاواٹ ہو جائے گی۔