(ویب ڈیسک) بھارتی ڈانس کوئین نورا فتیحی سے ٹکر کا مقابلہ کرنے والے بچے کی رقص کرتے ہوئے ویڈیو سوشل میڈیا پر خوب وائرل ہو رہی ہے۔
بالی ووڈ کی شاندار فلم سٹریٹ ڈانسر 3D کے ریلیز ہوتے ہی ساری دنیا میں اس فلم خاص کر اس کے گانوں پر ہونے والے رقص کو خوب پسند کیا گیا تھا۔ اس فلم کے گانے ’گرمی‘ کے ڈانس سٹیپ پر بہت زیادہ ویڈیو کلپ سامنے آئے جن میں لوگوں نے مختلف انداز میں نورا فتیحی ، ورون دھون اور دیگر کے ڈانس سٹیپس کو کاپی کیا تھا۔
مزید پڑھیں: دلہن کے حیرت انگیز رقص کےسوشل میڈیا پر چرچے
سوشل میڈیا پر نورا فتیحیٰ کا مد مقابل آیا ہے جس کی اس گانے پر رقص کرتے ویڈیو نے خوب دھوم مچا رکھی ہے۔ نورا فتیحی کا یہ مدمقابل ایک بچہ ہے۔ جس نے انتہائی مہارت کے ساتھ ہائے گرمی پر خوب رقص کیا ہے۔ بچے نے ناصرف نورا فتیحی کے ڈانس سٹیپس کو کاپی کیا بلکہ اس نے ورون دھون اور دیگر ڈانسرز کے ڈانس سٹیپس کو بھی کاپی کیا ہے۔
ویڈیو میں دیکھا جاسکتا ہے کہ بچے کو رقص کرتے دیکھ کر لوگوں کی بھیڑ جمع ہو گئی جنہوں نے بچے کے رقص کو خوب سراہا اور حوصلہ افزائی بھی کی۔ اس دلفریب منظر کو کسی نے موبائل کیمرے سے ریکارڈ کر کے سوشل میڈیا پر شیئر کر دیا۔ نیہا ککڑ اور بادشاہ کے گائے ہوئے اس گانے پر بچے کا عمدہ رقص سوشل میڈیا صارفین کا مرکزِ نگاہ بنا ہوا ہے اور صارفین نے اس رقص کو نورا فتیحیٰ کے رقص سے بہتر قرار دیا ہے۔