(24نیوز) وزیر خارجہ بلاول بھٹو زرداری کا کہنا ہےکہ میری والدہ شہید بینظیر بھٹو کو عزت بخشنے پر منتظمین کا مشکور ہوں۔
تفصیلات کےمطابق بلاول بھٹو نے ٹویٹ کرتے ہوئے کہا کہ قومی دعائیہ ناشتے میں شرکت کرکے خوشی ہوئی۔ میری والدہ شہید بینظیر بھٹو کو عزت بخشنے پر منتظمین کا مشکور ہوں۔
وزیر خارجہ نے کہا کہ اردن کی ملکہ رانیہ کے ساتھ "بین المذاہب ہم آہنگی کی ضرورت , ایمان کی طاقت اور اتحاد کی قوت " پر بین الاقوامی ظہرانے میں بات کرنے کا اعزاز حاصل ہوا-
واضح رہے کہ قومی دعائیہ ناشتہ 1953 سے واشنگٹن میں منعقد ہونے والی ایک اعلٰی سطح کی تقریب ہے، اس سال اس تقریب میں بلاول بھٹو نے بھی شرکت کی، تقریب میں بلاول بھٹو نے تباہ کن سیلاب کے متعلق بھی بات کی اور اس مشکل گھڑی میں آگے بڑھ کر پاکستان کی مدد کرنے پر عالمی برادری کا شکریہ ادا کیا۔