فائیو جی سپیکٹرم نیلامی سے انٹرنیٹ اور آمدنی میں کتنےگنا اضافہ ہوگا؟

(احمد منصور )پاکستان میں فائیو جی سپیکٹرم نیلامی سے اربوں ڈالر کی آمدن اور انٹرنیٹ کی رفتار میں 20 گنا اضافہ متوقع ہے، ملک میں روزگار کے مواقع پیدا ہوں گے, اور یہ دور دراز کے علاقوں میں بہتر رابطے کی سہولت فراہم کر سکتا ہے

تفصیلات کے مطابق پاکستان میں 5 جی ٹرائل کے دوران ڈاؤن لوڈ کی رفتار 1.685 گیگا بائٹس فی سیکنڈ ریکارڈ کی گئی،فائیو جی سپیکٹرم نیلامی پاکستان کیلئے بہت اہم ہے کیونکہ اکانومسٹ انٹیلی جنٹ یونٹ کی جانب سے شامل انٹرنیٹ انڈیکس 2021 میں پاکستان کو 120 ممالک میں سے 90 ویں نمبر پر رکھا گیا ہے

فائیوجی سپیکٹرم کی نیلامی سے ملک میں روزگار کے مواقع پیدا ہوں گے اور ملک کی تکنیکی ترقی میں حصہ ڈالنے کی صلاحیت بھی بڑھے گی، ملک میں 5G نیٹ ورکس کا تعارف معیشت کو خاص طور پر صحت کی دیکھ بھال، تعلیم اور زراعت جیسے شعبوں میں نمایاں فروغ دینے کی صلاحیت رکھتا ہے۔

 نیٹ ورکس کی بڑھتی ہوئی کنیکٹیویٹی کسانوں کو اپنی فصلوں اور مویشیوں کو دور سے نگرانی اور کنٹرول کرنے کی سہولت فراہم کرے گا، جس سے کارکردگی اور پیداواریت میں اضافہ ہوگا۔

یہ بھی پڑھیں:الیکشن سے پہلے ملتان کا سیاسی جھکاؤ کس طرف ہے؟ کس کا پلڑا بھاری؟ پوزیشن واضح ہوگئی

حکومت نے خصوصی سرمایہ کاری سہولت کونسل (SIFC) کے تعاون سے گزشتہ سال 5G سپیکٹرم کو نیلام کرنے کا عمل شروع کیا، جس کی ابتدائی بولی 1 ارب ڈالر مقرر کی گئی تھی، حکومت کو اس نیلامی سے اربوں ڈالر کی آمدن متوقع ہے، جو ملکی معیشت میں اہم کردار ادا کرے گی۔

ایریکسن (Ericsson) کی رپورٹ کے مطابق موبائل براڈ بینڈ فی ملک صارفین کی مجموعی تعداد کو 1 سے 10 بلین ڈالر تک بڑھا سکتا ہے۔