شوہر کو گردہ بیچنے پر مجبور کرنے کے بعد بیوی پیسے لیکر عاشق کیساتھ فرار

Feb 03, 2025 | 11:42:AM

(24 نیوز)بھارت میں مغربی بنگال کے ضلع ہوڑہ میں ایک خاتون نے اپنے شوہر کو 10 لاکھ روپے کے عوض اپنا گردہ بیچنے پر رضامند کیا، اور وعدہ کیا کہ یہ رقم ان کی بیٹی کی تعلیم پر خرچ کی جائے گی تاہم آپریشن کے بعد خاتون رقم لے کر اپنے مبینہ عاشق کے ساتھ فرار ہوگئی۔

پولیس میں درج شکایت کے مطابق خاتون اپنے شوہر پر ایک سال سے دباؤ ڈال رہی تھی کہ وہ اپنا گردہ بیچ کر مالی حالات بہتر کرے اور اپنی 12 سالہ بیٹی کو بہتر سکول میں داخل کرائے،شوہر نے اس کی بات مان لی اور آپریشن کے بعد گزشتہ ماہ 10 لاکھ روپے گھر لے آیا، اس کی بیوی نے اسے آرام کرنے کا کہا اور کچھ وقت بعد گھر سے نکل گئی ساتھ میں 10 لاکھ روپے اور مزید نقد رقم بھی لے گئی لیکن واپس آگئی جس کے بعد پھر ایک دن وہ گھر سے  گئی اور واپس نہیں آئی ، شوہر نے پولیس کو بتایا کہ بعد میں مجھے الماری سے 10 لاکھ روپے نقد اور کچھ اور پیسے غائب ملے۔

مزیدپڑھیں:’’چولی کے پیچھے کیا ہے‘‘ پر ڈانس، دُلہا اپنی دلہن سے ہاتھ دھو بیٹھا

 بعد ازاں شوہر کی مدد سے خاندان نے کولکتہ میں خاتون کو تلاش کیا جہاں وہ ایک شخص کے ساتھ رہ رہی تھی جس سے اس نے ایک سال قبل فیس بک پر ملاقات کی تھی،جب شوہر، ساس اور بیٹی مذکورہ خاتون کے گھر گئے تو اس نے ان سے بات کرنے سے انکار کر دیا،خاتون کے مبینہ عاشق نے انہیں بتایا کہ وہ طلاق کی درخواست دے گی، اور دعویٰ کرے گی کہ 16 سالہ شادی کے دوران سسرال والوں نے اسے جسمانی اور ذہنی طور پر تکلیف دی،عاشق نے اس بات کا انکار کیا کہ خاتون نے سسرال کے گھر سے کوئی پیسہ لیا، اس کا کہنا تھا کہ اس نے صرف اپنی ذاتی بچت لی تھی۔

پولیس نے مبینہ عاشق اور شوہر کے خاندان کے درمیان بات چیت کی ویڈیو فوٹیج کی بنیاد پر تحقیقات شروع کر دی ہیں۔ پولیس کا کہنا ہے کہ وہ خاتون اور اس کے مبینہ عاشق سے پوچھ گچھ کریں گے اور مزید کارروائی کریں گے۔

مزیدخبریں