(ویب ڈیسک) پاکستانی معروف اداکارہ کبریٰ خان اور گوہر رشید کی پہلی دھولکی کے محبت بھرے لمحات سوشل میڈیا پر وائرل ہوگئے ۔
افواہیں حقیقت میں بدل گئیں! اسٹار جوڑی کبریٰ خان اور گوہر رشید کی شادی کی تقریبات کا شاندار آغاز گزشتہ شب 'ڈھولکی نائٹ' سے ہوگیا۔ تقریب کی دلکش جھلکیاں سوشل میڈیا پر وائرل ہو کر مداحوں کی توجہ کا مرکز بن گئی.
ساتھی اداکار جوڑی کبریٰ خان اور گوہر رشید جلد شادی کے بندھن میں بندھنے جارہے ہیں ، حالانکہ پہلے پہل یہ جوڑا اپنے اس رشتے کو محض دوستی کا نام دیتا تھا لیکن پھر وقت کے ساتھ ساتھ یہ تعلق اتنا مضبوط ہوتا گیا کہ اب یہ دو دوست زندگی بھر ساتھ نبھانے کا فیصلہ کر چکے ہیں۔
کبریٰ اور گوہر کا نکاح مقدس شہر مکہ میں ہوگا لیکن ڈھولکی سمیت دیگر فنکشن پاکستان میں منعقد ہورہے ہیں جس میں پاکستانی فنکار بھرپور شرکت کریں گے۔
گزشتہ شب ڈھولکی نائٹ سے وائرل ہونے والی تصاویر میں شہزاد شیخ اور عاشر وجاہت کو بھی دیکھا جاسکتا ہے جبکہ پسِ منظر میں کبریٰ اور گوہر کی کارٹونک تصویر کا بینر دیکھا جاسکتا ہے جس پر گوہر اور کبریٰ کے نام بھی لکھے نظر آرہے ہیں۔
اداکار گوہر رشید نے فوٹو اینڈ ویڈیو شیئرنگ ایپ انسٹاگرام کا رخ کرتے ہوئے ڈھولکی نائٹ سے چند تصاویر بھی شیئر کیں جس میں دلہن دولہا سمیت مہمانوں کو خوب ہلا گلا کرتے دیکھا گیا۔
تقریب کی مناسبت سے دلہنیا کبریٰ خان پسٹل رنگ کی پشواس میں نظر آئیں جبکہ دولہے راجا گوہر رشید نے بوٹل گرین کرتہ پاجامہ سمیت گرین شال سے اپنے لُک کو مکمل کیا۔
علاوہ ازیں دلہن اور دولہے کا پوسٹر پوز ، ساتھی فنکاروں کیساتھ تصاویر اور مہمانوں کیساتھ خوب دھوم دھڑکا بھی تقریب کو چار چاند لگاگیا ، گوہر رشید نے خوبصورت جھلکیاں سوشل میڈیا پر جاری کرتے ہوئے خوشی کا اظہار کیا اور لکھا کہ،"بے حد محبت اور گلے ملنے کا پیغام"۔
دوسری جانب ان جھلکیوں کے بعد سوشل میڈیا صارفین اس جوڑے کی مزید تقریبات اور تصاویر کے منتظر دکھائی دے رہے ہیں۔