بہاولپور : پی ڈی ایم کی ریلی چوک سرائیکی پہنچ گئی، قائدین سٹیج پر موجود

(24 نیوز)بہاولپور میں پاکستان ڈیموکریٹک موومنٹ (پی ڈی ایم) کی ریلی چوک سرائیکی پہنچ گئی، پی ڈی ایم قائدین سٹیج پر پہنچ گئے ۔ 
تفصیلات کے مطابق حکومت مخالف اپوزیشن اتحاد کی تحریک کا دوسرا مرحلہ آج سے شروع ہوگا،پی ڈی ایم کی جانب سے بہاولپور میں عوامی قوت کا مظاہرہ کیا جارہا ہے۔پی ڈی ایم رہنماﺅں مولانا فضل الرحمان، مریم نواز اور یوسف رضاگیلانی نے میکڈانلڈ چوک سے نکالی جانے والی ریلی کی قیادت کی جو سرائیکی چوک پہنچ گئی ہے۔ اپوزیشن اتحاد کی ریلی میں کارکنوں کی بڑی تعداد موجود ہے ۔مریم نواز، مولانا فضل الرحمان اور یوسف رضا گیلانی خطاب کریں گے۔