صنم سعید اور محب مرزا نے شادی کرلی؟

 (ویب ڈیسک) پاکستان شوبز کی ورسٹائل اداکارہ صنم سعید کی جانب سے پوسٹ کی گئی  ویڈیو سوشل میڈیا صارفین کی توجہ کا مرکز بن گئی۔معروف اداکار محب مرزا اور اداکارہ صنم سعید کی شادی کی افواہیں کئی سالوں سے جاری ہیں اور اب اداکارہ صنم سعید کی جانب سے پوسٹ کی گئی ویڈیو سوشل میڈیا سے افواہیں یقین میں بدلتی نظر آرہی ہیں ۔

تفصیلات کے مطابق سوشل میڈیا پر ایک عرصے سے قیاس آرائیاں کی جارہی ہیں کہ صنم سعید اور محب مرزا شادی کر چکے ہیں تاہم ان کی جانب سے اب تک اس کا کوئی باضابطہ اعلان نہیں کیا گیا۔مگر سالِ نو کے آغاز پر اداکارہ صنم سعید کی جانب سے سوشل میڈیا پر پوسٹ کی گئی ویڈیو کے بعد اداکارہ کی محب مرزا سے شادی کی افواہیں یقین میں بدل گئی ہیں۔صنم نے انسٹاگرام پر سال 2022 کی جھلکیوں کی ایک ویڈیو پوسٹ کی ہے جس میں محب مرزا ان کے ساتھ دکھائی دے رہے ہیں جبکہ محب  مرزا کے ساتھ کئی رومانوی تصاویر بھی اس ویڈیو کا حصہ ہیں۔

View this post on Instagram

A post shared by Sanam Mody Saeed (@sanammody)

ویڈیو کے سامنے آنے کے بعد اداکارہ کے مداحوں اور سوشل میڈیا صارفین کی جانب سے انہیں شادی کی مبارکباد دینے کا سلسلہ شروع ہوگیا ہے جبکہ کئی صارفین کا کہنا ہے کہ انہیں معلوم تھا کہ ان دونوں اداکاروں نے خاموشی سے شادی کرلی ہے۔

یاد رہے کہ اس سے قبل ایک انٹرویو کے دوران محب مرزا نے بھی اپنی دوسری شادی کا انکشاف کیا تھا تاہم اپنی اہلیہ کا نام یا شادی کے حوالے سے مزید بات نہیں کی تھی۔خیال رہے کہ محب نے 2019 میں اہلیہ و اداکارہ آمنہ شیخ سے راہیں جداکر لیں تھیں جبکہ صنم سعید نے بھی 2018 میں اپنے پہلے شوہر سے علیحدگی اختیار کرلی تھی۔