(24 نیوز) سال بدلا گیا مگر بھارتی فاشسٹ ہندوتوا کے پیروکاروں کے تیور نہ بدلے۔ انڈیا میں ہندو انتہا پسندوں نے دن دہاڑے چرچ پر حملہ کر دیا۔
حملہ بھارتی ریاست چتیشگڑھ میں واقع چرچ پر کیا گیا۔ افسوسناک واقع میں ہندو انتہاپسندوں کو مقدس مورتی کو سرعام وار کر کے توڑتے دیکھا جاسکتا ہے۔ واقعے کی ویڈیو وائرل ہوتے ہی سوشل میڈیا صارفین نے بھارتی آر ایس ایس پر تنقید کے نشتر برسا دیئے۔
بھارت میں مسلمانوں کے ساتھ ساتھ دیگر اقلیتیں بھی انتہائی غیر محفوظ ہیں۔ کرسچن کمیونٹی پر بھارتی انتہا پسند مسلسل حملہ آور ہیں، ان کے مقدس مقامات کی مسلسل بے حرمتی کے واقعات بھی سامنے آ رہے ہیں۔ بھارت میں جاری مذہبی اقلیتوں پر مظالم کا انسانی حقوق کی عالمی تنظیموں کو سختی سے نوٹس لینا چاہیے۔
ادھر بھارتی صحافی و پروفسیر اشوک سوائن نے سماجی رابطے کی ویب سائٹ ٹویٹر پر ایک ویڈیو شیئر کرتے ہوئے لکھا کہ راجستھان میں انتہا پسند ہندو حلف لے رہے ہیں۔ انہوں نے کہا کہ روانڈا میں نسل کشی کرنے کے لیے کوئی بندوق یا بم استعمال نہیں کیے گئے بلکہ اسی طرح کے انتہا پسند ہندوں کو بنایا گیا تھا۔