(24نیوز)پی آئی اے کے مسافر رل گئے،پی آئی اے کی پرواز پی کے 731 سے کراچی سے جدہ جانے والے مسافر ائیر پورٹ پر خوار ہوگئے۔
رات 2 بجے کراچی سے جدہ جانے والی پرواز پی کے 731 تاحال روانہ نہ ہوسکی،کراچی سے جدہ جانے والے تین سو کے لگ بھگ مسافر کراچی ائیر پورٹ پر شدید پریشان،پی آئی اے ذرائع کا کہنا ہے کہ پرواز پی کے 731 کراچی سے جدہ پانچ بجے کے بعد روانہ ہوگی ،تکنیکی خرابی پر طیارے پر انجنئیر کام کررہے ہیں ۔
19گھنٹے تاخیر کے بعد قومی ائیرلائن کی کراچی سے جدہ جانے والی پرواز روانہ ہو گئی،تین سو سے زائد مسافروں کو لیکر پرواز روانہ ہوئی ،پی آئی اے حکام کا کہنا ہے کہ تیکنکی خرابی کے باعث پرواز میں تاخیر ہوئی ۔