راتوں رات تالاب بنجر زمین کیساتھ جھونپڑی میں تبدیل ہوگیا ،ویڈیو وائرل

(ویب ڈیسک)بھارت میں بہار کے دربھنگہ ضلع میں ایک عجیب و غریب واقعہ پیش آیا، جب راتوں رات ایک تالاب بنجر زمین کیساتھ  جھونپڑی تعمیر کردی گئی۔

غیر ملکی ذرائع ابلاغ کے مطابق تالاب، جسے مقامی لوگ ماہی گیری اور کھیتی باڑی کے مقاصد کے لیے استعمال کرتے تھے، راتوں رات ریت سے بھر دیا گیا اور اس جگہ ایک جھونپڑی بھی تعمیر کردی گئی۔

مقامی انتظامیہ کا کہنا ہے کہ تالاب کی جگہ کو مبینہ طور پر لینڈ مافیا کی جانب سے ہتھیانے کی کوشش کی گئی تھی، پانی کے ذخائر کو ریت اور دیگر مواد سے بھر کر زمین کو برابر کردیا گیا اور بعد اس میں اس جگہ پر ایک جھونپڑی بنادی گئی۔

Bizarre! Pond Stolen Overnight In Darbhanga, Bihar; Hut Erected At Site#DNAVideos

For more videos, click here https://t.co/6ddeGFqM3o pic.twitter.com/l2HjUdGSwJ

— DNA (@dna) December 31, 2023

یہ واقعہ اس وقت پیش آیا جب رات کے وقت ٹرکوں اور بھاری مشینری کی نقل و حرکت کی آواز سن کر مقامی لوگوں نے پولیس کو آگاہ کیا،ایک مقامی باشندے نے حیرت کا اظہار کرتے ہوئے کہا کہ ایک تالاب کیسے راتوں رات غائب ہو گیا گویا یہ پہلے کبھی موجود ہی نہیں تھا۔

یہ بھی پڑھیں:دولہے اور باراتیوں کی موٹرسائیکل پر انٹری کی ویڈیو سوشل میڈیا پر وائرل

سوشل میڈیا پر وائرل ہونے والی ایک ویڈیو میں مذکورہ مقام پر جھونپڑی دکھائی گئی جہاں کبھی تالاب ہوا کرتا تھا، بھاری مشینری کی مدد سے پورے علاقے کو ہموار کر دیا گیا ہے اور تالاب کے تمام شواہد کو مٹا دیا گیا۔

ایک سینئر پولیس افسر کا کہنا تھا کہ یہ بھرائی پچھلے 10-15 دنوں میں ہوئی ہے اور یہ کام زیادہ تر رات کے اوقات میں کیا جاتا تھا۔

انہوں نے کہا کہ اس بارے میں کوئی ریکارڈ نہیں ہے کہ یہ زمین کس کے پاس ہے۔ پولیس افسر نے کہا کہ ہمارے پاس اس بارے میں کوئی معلومات نہیں ہے کہ یہ زمین کس کی ہے۔