غزہ فلسطینیوں کی سر زمین ہے اور رہے گی، امریکی محکمہ خارجہ

(ویب ڈیسک) امریکا کا اسرائیلی وزراء کی جانب سے فلسطینیوں کوغزہ سے نکل جانے کے بیان کی مذمت کرتے ہوئےکہنا ہے کہ غزہ فلسطینیوں کی سرزمین ہے اور رہے گی۔

امریکی محکمہ خارجہ کے ترجمان میتھیو ملر نے کہا کہ فلسطینیوں کی سر زمین کے خلاف اسرائیلی وزراء کا بیان اشتعال انگیز اور غیر ذمہ دارانہ ہے، حماس کا اب کوئی مستقبل نہیں، کوئی دہشتگرد گروپ اب اسرائیل کیلئے خطرہ نہیں۔

The United States rejects the inflammatory and irresponsible statements from Israeli Ministers Smotrich and Ben Gvir. There should be no mass displacement of Palestinians from Gaza.

— Matthew Miller (@StateDeptSpox) January 2, 2024

میتھیو ملر نے سوشل میڈیا پلیٹ فارم ”ایکس“ پر جاری بیان میں لکھا کہ ’امریکا نے اسرائیلی وزراء سموٹریچ اور بین گویر کے اشتعال انگیز اور غیر ذمہ دارانہ بیانات کو مسترد کر دیا ہے، غزہ سے بڑے پیمانے پر فلسطینیوں کی نقل مکانی نہیں ہونی چاہیے‘۔

مزید پڑھیں:  پی ٹی آئی سے بلے کا انتخابی نشان واپس لینے کے خلاف درخواست پر فیصلہ محفوظ

دوسری جانب اسرائیلی فوج کی بربریت رُک نہ سکی ہے اور غزہ پر وحشیانہ بمباری جاری ہے۔ صیہونی فورسز نے غزہ میں 30 سے زائد مقامات پر حملے کے دوران گزشتہ 24 گھنٹے میں 200 سے زائد افراد کو شہید کر دیا ہے جبکہ دیر البلاح میں رہائشی عمارتوں کو بھی نشانہ بنایا گیا ہے۔

واضح رہے کہ غزہ میں شہداء کی تعداد 22 ہزار 815 ہوگئی ہے جبکہ 57 ہزار کے قریب افراد زخمی ہوگئے ہیں۔