ایشیاء کپ شیڈول کا اعلان تاخیر کا شکار

(24 نیوز) سری لنکا میں ستمبر میں بارشوں کے باعث ایشیاء کپ کے شیڈول کا اعلان تاخیر کا شکار ہو گیا ہے۔

میڈیا رپورٹس کے مطابق ایشیاء کپ کے شیڈول کا اعلان رواں ہفتے کیا جائے گا۔

پاکستان اور بھارت کا میچ کولمبو میں نہیں کھیلا جائے گا۔

ستمبر میں مون سون بارشوں کے باعث کولمبو ایشیاء کپ کی میزبانی نہیں کرے گا۔

یہ بھی پڑھیے: ایک میچ کئی واقعات،آسٹریلیا،انگلینڈ میچ مرکز نگاہ بن گیا

ایشیاء کپ میں پاک بھارت میچ کی میزبانی دمبولا کے کرنے کے قوی امکانات ہیں۔

میڈیا رپورٹس کے مطابق ایشیاء کپ میں شرکت کرنے والے ممالک کے ساتھ ابتدائی شیڈول شیئر کردیا گیا ہے۔

واضح رہے کہ ایشیاء کپ ہائبرڈ ماڈل کے تحت کھیلا جائے گا جس میں ایونٹ کے 4 میچز پاکستان اور 9 میچز سری لنکا میں ہوں گے۔