طبی آلات پرسیلز ٹیکس عائد،بی پی آپریٹرز، وہیل چیئرز سمیت متعدد اشیا مہنگی

(24نیوز)طبی آلات پرسیلز ٹیکس عائد،تھرمامیٹر،شوگراسٹرپس،بی پی آپریٹرز،سرجیکل گلوز اور وہیل چیئرز بھی مہنگی ہوگئیں۔

اب میڈیکل ڈیوائسزپربھی ٹیکس دینا ہوگا،200 سو سے زائد طبی آلات مہنگے ہوگئے، شوگر چیک کرنے والی معمولی نوعیت کی سٹرپس کا پیکٹ 700 روپے کے بجائے ہول سیل میں ایک ہزار روپے کا ملے گا۔

تیرہ ہزار والی وہیل چیئرزساڑھےسترہ ہزار تک پہنچ جائےگی،بی پی آپریٹس سمیت گھروں میں استعمال ہونے والی دیگر ڈیوائسزکی قیمتیں بھی دگنی ہوجائیں گی۔

ڈاکٹروں کا کہنا ہےسیلز ٹیکس سےبراہ راست عام آدمی متاثر ہوگا۔ سیکریٹری پیماہیلتھ کیئر ڈیوائسز ایسوسی ایشن آف پاکستان کے چیئرمین مسعود احمد کا کہنا ہے کہ 95 فیصد میڈیکل ڈیوائسزوطبی آلات بیرون ممالک سے منگوائے جاتے ہیں،ڈیوائسز مہنگی ہونے سے علاج مہنگا ہوجائے گا۔