(24نیوز)پاکستان سپر لیگ کی مقبول ترین فرنچائز لاہور قلندرز نے ضلعی انتطامیہ کے تعاون سے قلندرز ویکسی نیشن سینٹر قائم کردیا،انہوں نے کہا کہ تمام لاہوریوں کو ویکسین لگانے کا ہدف ہے تاکہ آئندہ پی ایس ایل لاہور میں ہو ۔
تفصیلات کے مطابق گلبرگ لاہور میں قلندرز ویکسی نیشن سینٹر کا افتتاح ڈی سی لاہور مدثر ریاض اور لاہور قلندرز کے سی ای او عاطف رانا نے کیا۔ ویکسی نیشن سینٹر کے معائنے کے بعد ڈی سی لاہور مدثر ریاض کا میڈیا سے گفتگو کے دوران کہنا تھا کہ لاہور قلندرز کا سینٹر کے قیام کے لیے آگے آنا قابل ستائش ہے، شہرمیں 36 ویکسی نیشن سینٹر قائم ہو چکے ہیں۔
واضح رہے کہ اس موقع پر سی ای او لاہور قلندرز عاطف رانا نے کہا کہ جان ہے تو جہان ہے، اس لیے شہریوں کو ویکسین لگوانی چاہیے ،کوشش ہے کہ پورے شہر کو ویکسین لگائیں۔
یہ بھی پڑھیں: پاکستان میں آج چاند کا نظر آنا ممکن ہے یا نہیں؟ وفاقی وزیر فوادچودھری کا اہم بیان