بالی ووڈ اداکارہ ثنا خاں نے حجاب پر تنقید کرنیوالوں کو کیا جواب دیا۔۔ ضرور پڑھیں
Stay tuned with 24 News HD Android App
(24 نیوز)بھارتی فلموں کی سابق اداکارہ اور بگ باس سٹار ثنا خان نے اپنے حجاب اور پردے پر تنقید کرنے والوں کو سوشل میڈیا کے ذریعےدلیل والا کرارا جواب دیا ہے۔
تفصیلات کے مطابق بالی ووڈ فلموں کی سابق اداکارہ ثنا خان نے 2020 میں اسلام کی خاطر شوبز کی چلملاتی دنیا کو خیرباد کہہ دیا تھا اور جس دن سے انہوں نے یہ فیصلہ کیا تو اسی دن سے انکی شخصیت اور رویہ میں بھی کافی تبدیلی آچکی ہے۔سابق اداکارہ جو مغربی لباس پہننے کی دلدادہ تھیں اب مکمل طور پر حجاب میں ملبوس میں نظر آتی ہیں۔ثنا خان نے گزشتہ برس مفتی انس سے شادی کی تھی اور دونوں اپنی شادی شدہ زندگی سے بے حد خوش ہیں۔ گزشتہ روز ثنا خان نے اپنی حجاب میں ملبوس ایک عمدہ تصویر اور چند خوبصورت باتیں سوشل میڈیا پر شیئر کیں۔
View this post on Instagram
انہوں نے اپنی پوسٹ میں لکھا کہ ’’سنو! لوگوں سے ڈرتے کیوں ہو؟ کیا تم نے یہ آیت نہیں پڑھی ’اللہ جسے چاہے عزت دیتا ہے، اور اللہ جسے چاہے ذلت دیتا ہے۔‘ کبھی عزتوں میں ذلت چھپی ہوتی ہے اور کبھی ذلتوں میں عزت۔ سوچنا اور سمجھنا ہمیں ہے کہ ہم کون سے راستے پر ہیں اور اصل میں ہم کس چیز کے حقدار بن رہے ہیں‘‘۔
اداکارہ ثنا خان کی پوسٹ کو بہت سارے مداحوں نے بے حد پسند کیا لیکن کچھ لوگوں نے ان پر تنقید کے نشتر بھی چلائے۔ تنقید کرنے والے صارفین کو ثنا خان نے بڑے تحمل اور دلیل والے جواب دیئے ، انہوں نے جواب میں کہا میرے اتنے اچھے سسرال والے اور شوہر ہیں تو مجھے اور کیا چاہئے۔ سب سے بڑی بات اللہ میری ہر قدم پر حفاظت کررہا ہے۔
یہ بھی پڑھیں: گرل فرینڈ کا شادی اور ڈیڑھ لاکھ روپے کا مطالبہ، لڑکے نے قتل کر دیا