جمائمہ نے مقدمہ جیتنے پر اداکار جانی ڈیپ کو مشورہ دیدیا

(ویب ڈیسک) عمران خان کی سابقہ اہلیہ، برطانوی فلمساز جمائمہ گولڈ سمتھ نے ہتک عزت کا مقدمہ جیتنے پر اداکار جانی ڈیپ کو ایک مشورہ دیا ہے۔

اُنہوں نے اپنےٹوئٹ میں لکھا کہ’میری خواہش ہے کہ اب جانی ڈیپ، امبر ہرڈ کے تمام نقصانات کو معاف کرتے ہوئے ایک بیان دیں گے کہ جو کچھ ہوا اس کا مقصد پیسے نہیں تھے، اس کے علاوہ امبر ہرڈ پر تنقید کرنے والوں کو بھی اداکارہ کے لیے نیک خواہشات رکھنے کی تاکید کریں۔‘

I wish Johnny Depp would now give a statement waiving all Amber Heard’s damages, saying it was never about the money, urge the trolls to stand down & wish her well.

— Jemima Goldsmith (@Jemima_Khan) June 1, 2022

واضح رہے کہ ہالی ووڈ کے معروف اداکار جانی ڈیپ اور ان کی سابقہ اہلیہ امبر ہرڈ کے کیس کا فیصلہ آگیا ہے، جس کے مطابق امبر ہرڈ بڑی مجرمہ اور جانی ڈیپ چھوٹے مجرم قرار دیئے گئے ہیں۔

غیرملکی میڈیا کے مطابق، 100 ملین ڈالر ہرجانے کے جانی ڈیپ بمقابلہ امبر ہرڈ ہتک عزت کے مقدمے میں سابقہ میاں بیوی ایک دوسرے کو بدنام کرنے پر مجرم قرار پائے۔