(24 نیوز)شمالی وزیر ستان میں دہشتگردوں کیخلاف کارروائی میں سپاہی عمران خان شہید ہو گئے۔
پاک فوج کے شعبہ تعلقات عامہ آئی ایس پی آر کے مطابق شمالی وزیرستان کے علاقے منگروٹائی میں دہشتگردوں نے فوجی چوکی پر فائرنگ کر دی،جس پر فوجی دستوں نے دہشتگردوں کے خلاف فوری جوابی کارروائی کی اوردہشتگردوں کے ٹھکانوں کو موثر انداز میں نشانہ بنایا۔
آئی ایس پی آر کے مطابق شدید فائرنگ کے تبادلے میں سپاہی عمران خان مادر وطن پر قربان ہو گئے ،سپاہی عمران خان کی عمر 30 سال اور تعلق جعفر آباد سے تھا۔
یہ بھی پڑھیں: وزیراعظم شہباز شریف نے احد چیمہ کا استعفی منظور کرلیا