بھارتی سفارتخانہ غائب۔یوکرین میں پھنسے بھارتی طلبہ کو پاکستان کی مدد مل گئی

 (مانیٹرنگ ڈیسک)یوکرین  میں پھنسے بھارتی طالبعلموں کی حفاظت کرنے میں بھارت ناکام ہو گیا لیکن اس مشکل وقت میں انسانیت کی اعلی مثال قائم کرتے ہوئے پاکستانی سفارت خانے نے بھارتی طالبعلموں کے لیے اپنے دروازے کھول دیئے۔

اس وقت یوکرین میں جنگی حالات میں پھنسے پاکستانیوں کو نکالنے کے ساتھ ساتھ پاکستان بھارتیوں کی بھی مدد کر رہا ہے جبکہ ان کا اپنا عملہ غائب ہے، جس کی تصدیق بھارتی خود کر رہے ہیں۔

سوشل میڈیا پر بھارتی طالبعلم کی جانب سے ایک ویڈیو شئیر کی گئی ہے، جس میں بھارتی طالبعلموں کو پاکستانی سفارت خانے میں آرام سے بیٹھے کھانا کھاتے دیکھا جا سکتا ہے۔

Indian embassy officials are missing at the Romanian border. Pakistan Embassy helping Indian students to escape war in the Ukraine! pic.twitter.com/MG0cmf9LYV

— Ashok Swain (@ashoswai) March 2, 2022

 پاکستانی سفارت خانے نے ان بھارتی طلبہ کو ایک ایسے وقت میں  پناہ دی جب انہیں خارکیو سے لیویو جانے کے لیے بھارتی سفارت خانے نے مدد کرنے سے انکار کردیا تھا۔

Indian embassy officials are missing at the Romanian border. Pakistan Embassy helping Indian students to escape war in the Ukraine! pic.twitter.com/MG0cmf9LYV

— Ashok Swain (@ashoswai) March 2, 2022

بھارت کے معروف صحافی اور پروفیسر اشوک سوین نے بھی ویڈیو  شیئر کی، جس پر انہوں نے لکھا کہ  رومانیہ کی سرحد پر بھارتی سفارتخانے کا عملہ موجود نہیں تھا، لیکن  پاکستانی سفارتخانہ بھارتیوں کی مدد کے لیے موجود تھا۔

یہ بھی پڑھیں: یو کرین کی صورتحال۔ انجلینا جولی نے دل دہلا دینے والی تصاویر شیئر کردیں