کراچی کنگز آج کے ’ڈو آر ڈائی‘ میچ میں اسلام آباد یونائیٹڈ کا سامنا کریں گے

(ویب ڈیسک) پاکستان سپر لیگ میں آج کراچی کنگز اور اسلام آباد یونائیٹڈ کے درمیان مقابلہ ہوگا کنگز کیلئے آج کا میچ ڈو آر ڈائی کے مترادف ہے۔

پاکستان سپر لیگ 8 کے سنسنی خیز میچوں سے بھرپور پہلا مرحلہ اب اپنے اختتام کی جانب گامزن ہے۔ آنے والے میچز کے نتائج ٹیم پوزیشن کے ساتھ ان کے ٹورنامنٹ سے ان یا آؤٹ کا فیصلہ کریں گے۔ آج پنڈی اسٹیڈیم میں کراچی کنگز اور اسلام آباد یونائیٹڈ کے درمیان اہم میچ کھیلا جائے گا۔

کراچی رواں پی ایس ایل میں اپنے 7 میچز میں سے صرف 2 ہی جیت پائی ہے اور 3 میچز کھیلنے باقی ہیں۔ کنگز کے پاس غلطی کی کوئی گنجائش نہیں ہے۔ اگر پلے آف میں جانے کی امید برقرار رکھنی ہے تو اگلے تینوں میچ لازمی جیتنا ہوں گے۔

????????

Our first game at home as we’ll host @KarachiKingsARY tomorrow at Pindi Cricket Stadium!#IUvKK #HBLPSL8 #UnitedWeWin pic.twitter.com/2oPElo9zw5

— Islamabad United (@IsbUnited) March 2, 2023

اسلام آباد یونائیٹڈ بھی گزشتہ میچ میں 110 رنز کی بڑی شکست کے بعد کم بیک کا عزم لےکر آج میدان میں اترے گی۔

ہیڈ ٹو ہیڈ مقابلوں کی بات کی جائے تو یہاں اسلام آباد یونائیٹڈ کا پلڑا بھاری نظر آتا ہے۔ دونوں ٹیمیں اب تک 19 بار ایک دوسرے کے مدمقابل آئی ہیں۔ 13 بار یونائیٹڈ فاتح رہی جبکہ کراچی کنگز نے 6 بار میدان مارا۔

پی ایس ایل کے رواں سیزن 8 کے پہلے ٹاکرے میں یونائیٹڈ نے دلچسپ مقابلے کے بعد کنگز کو چار وکٹوں سے شکست دی تھی۔ آج کا میچ پنڈی کرکٹ اسٹیڈیم میں شام 7 بجے شروع ہوگا۔