پاکستانی ٹیم میں بڑی تبدیلیاں، خطرے کی گھنٹی بج گئی

(وسیم احمد)پاکستانی کرکٹ ٹیم کے لیے خطرے کی گھنٹی بج گئی، قومی ٹیم میں چار تبدیلیوں کا امکان ہے جبکہ قومی ٹی ٹوینٹی سکواڈ نوجوان کھلاڑیوں پر مشتمل ہوگا۔

ذرائع کا کہنا ہے کہ بابراعظم اور محمد رضوان کو ٹی ٹونٹی اسکواڈ کا حصہ نہیں بنایا جائے گا۔

پاکستان کے نمایاں فاسٹ باولرز شاہین شاہ آفریدی، حارث روف کو ون ڈے اسکواڈ کا حصہ نہیں بنایا جائے گا، عاکف جاوید، وسیم جونیئر اور محمد حارث کی شمولیت متوقع ہے ۔

ان کے علاوہ خوشدل شاہ جگہ برقرار رکھنے میں کامیاب ہوئے ہیں،  فہیم اشرف کو ون ڈے میں موقع ملنے کا امکان ہے۔

محمد رضوان کو ٹی ٹونٹی کی کپتانی سے ہٹائے جانے کا امکان ہے، کپتانی کے لیے محمد حارث، سلمان علی آغا کے ناموں پر غور کیا جا رہا ہے۔

کپتان کے حوالے سے فیصلہ چیئرمین نے کرنا ہے تاحال فیصلے کا انتظار ہے ۔