عوام کو جلد خوشخبری دیں گے، مفتاح اسماعیل

 (ویب ڈیسک)وفاقی وزیر خزانہ مفتاح اسماعیل کا کہنا ہے کہ کپتان ملک گھمبیر حالات میں چھوڑ گیا لیکن ہم محنت کر رہے ہیں، جلد عوام کو خوشخبریاں دیں گے۔

تفصیلات کے مطابق کراچی میں نماز عید کی ادائیگی کے بعد میڈیا سے بات کرتے ہوئے وفاقی وزیر خزانہ کا کہنا تھا اللہ کا بڑا کرم ہے مجھ جیسے گناہ گار کو بھی روضہ پاکؐ کی زیارت کا شرف ملا، مسجد نبویؐ میں نعرے بازی کرنے والوں کو اللہ ہدایت دے۔

ایک سوال کے جواب میں مفتاح اسماعیل کا کہنا تھا ہم تو بے گناہ تھے پھر بھی جیل میں بند کیے گئے، اب شہزاد اکبر اور زلفی بخاری پر بھی بات ہو گی، پتہ چلے گا کہ فرح گوگی صاحبہ پرائیوٹ جہازوں میں کیسے گھومتی تھیں، ٹرانفسر پوسٹنگ پر وزیراعظم ہاؤس سے کون فون کرتا تھا۔

وزیر خزانہ کا کہنا تھا کہ عمران خان ملک گھمبیر حالات میں چھوڑ کر گئے ہیں، ہم محنت کر رہے ہیں، جلد عوام کو خوشخبریاں دیں گے۔

یہ بھی پڑھیں:    شیخ رشید نےاہم راز سے پردہ اٹھا دیا