جج پی ٹی آئی کی ٹکٹیں بیچ رہے ہیں،ایسا پہلے کبھی نہیں دیکھا، راجہ ریاض

(24 نیوز ) اپوزیشن لیڈر راجہ ریاض کا قومی اسمبلی میں خطاب  کرتے ہوے کہنا ہے کہ جج پاکستان تحریک انصاف کی ٹکٹیں بیچ رہے ہیں، ایسا پہلے کبھی نہیں دیکھا۔

تفصیلات کے مطابق سپیکر راجہ پرویز اشرف کی زیر صدارت قومی اسمبلی کا اجلاس منعقد ہوا ،جس میں اظہار خیال کرتےہوئے اپوزیشن لیڈر راجہ ریاض کا کہنا تھا کہ اپوزیشن حکومت کے ساتھ کھڑی ہے پارلیمنٹ کسی کو فتح نہیں کرنے دیں گے ، پنجاب میں 5,5 کروڑ کی ٹکٹ بیچ رہے ہیں ، ثاقب نثار کے بیٹے کی آڈیو لیک ہوچکی ہے ، 
جج پی ٹی آئی کی ٹکٹیں بیچ رہے ہیں ، آج تک یہ نہیں دیکھا کہ جج ٹکٹیں بیچ رہے ہوں ۔ 
راجہ ریاض کا مزید کہنا تھا  کہ پہلے بنی گالہ تک پیسہ جاتا تھا ، ہمیں ڈٹ کر ان کا مقابلہ کرنا ہے ہمیں یہ کسی صورت قبول نہیں ہے ، عمران خان کو آج پھر ریلیف مل گیا ہے ۔