ہارون شاہد نے کراچی کی ترقی نا ہونے پر افسوس کا اظہار کردیا

(ویب ڈیسک)معروف پاکستانی موسیقار و اداکار ہارون شاہد   نے کراچی شہر کی ترقی نا ہونے پر افسوس کا اظہا رکردیا۔

تفصیلات کے مطابق  مائیکرو بلاگنگ سائٹ ٹوئٹر پر ٹوئٹ کرتے ہوئے اداکار ہارون شاہد نے سوال کیا کہ" آخر کراچی کا قصور کیا ہے۔انہوں نے ٹوئٹ کرتے ہوئے لکھا کہ "جب جب میں لاہور آتا ہوں میرا دل کراچی کے لیے دُکھتا ہے۔ گوکہ میرا تعلق لاہور سے ہے اور مجھے فخر بھی ہے کہ یہ کیسے دن بہ دن ترقی کر رہا ہے لیکن کراچی کا کیا قصور ہے؟"

 انہوں نے مزید لکھا کہ "کراچی کو پاکستان کا کیا، اس پورے خطے کا سب سے زیادہ ترقی یافتہ شہر ہونا چاہئے تھا، لیکن افسوس عن قریب بہتری آتی نظر نہیں آرہی"۔

Every time I come to Lahore my heart aches for Karachi. Every time! I'm from Lahore and proud of how it's shaping up but Karachi ka kya kasoor hai? It should have been the most developed city in the region let alone Pakistan. Sadly, don't see it improving anytime soon ❤️‍????

— Haroon Shahid (@Haroon_5hahid) April 30, 2023

خیال رہے کہ حال ہی میں لاہور میں ماحول دوست سڑکیں "بلو روڈ"  متعارف کروانے کا اعلان کیا گیا ہے، جس کے بعد لاہور ماحول دوست سڑکوں کا حامل ایشیاء کا پہلا شہر بن جائے گا۔