جوہی چاؤلہ کا شاہ رخ خان کی سالگرہ پر بڑا اعلان 

(مانیٹرنگ ڈیسک) بالی ووڈ اداکارہ جوہی چاؤلہ نے شاہ رخ خان کے نام پر 500 درخت لگانے کا اعلان کیا ہے۔

تفصیلات کے مطابق بالی ووڈ  اداکارہ جوہی چاؤلہ اور شاہ رخ خان کی دوستی کی مثالیں دی جاتی ہیں۔ دونوں نے نا صرف ایک ساتھ کئی فلموں میں کام کیا ہے بلکہ بزنس پارٹنر ہونے کے ساتھ ساتھ ایک دوسرے کے بہترین دوست بھی ہیں۔

 جوہی چاؤلہ ہر مشکل گھڑی میں شاہ رخ خان کے ساتھ کھڑی نظر آتی ہیں جس کی مثال حال ہی میں دیکھنے میں آئی جب جوہی چاؤلہ نے شاہ رخ خان کے بیٹے آریان خان کی منشیات کیس میں ایک لاکھ روپے کے ضمانتی مچلکوں کے عوض ضمانت دی اور ان کے ضمانت دینے کی وجہ سے ہی آریان خان کو جیل سے رہائی ملی۔

 اداکارہ نے کنگ خان کی 56 ویں سالگرہ کے موقع پر  ایک خوبصورت اعلان کرکے ان سے دوستی کا ایک اور ثبوت دیا ہے۔

View this post on Instagram

A post shared by Juhi Chawla (@iamjuhichawla)

 بالی ووڈ سٹارشاہ رخ خان کی 56 ویں سالگرہ پر جہاں دیگر فنکاروں نے انہیں سالگرہ کی مبارکباد دی وہیں جوہی چاؤلہ نے اعلان کیا کہ وہ شاہ رخ خان کے نام سے 500 درخت لگائیں گی۔

یہ بھی پڑھیں:آریان خان کی دوست سے بات چیت پر پابندی۔۔ بڑی وجہ سامنے آ گئی