وزیر اعظم شہباز شریف کا اسلام آباد میں سفری سہولیات کی بہتری کیلئے بڑا اقدام

(24نیوز)وزیرِ اعظم محمد شہباز شریف کا اسلام آباد میں سفری سہولیات کی بہتری کیلئے بڑا اقدام ۔وزیرِ اعظم کی ہدایت پر اسلام آباد کے مختلف سیکٹرز کو میٹرو بس سسٹم سے منسلک کرنے کے منصوبے کا اجراء کر دیا گیا۔13 روٹس اور 128 بسوں پر مشتمل فیڈر روٹس بس نیٹ ورک کا پہلا مرحلہ آئندہ سال کی پہلی سہ ماہی میں مکمل کر لیا جائے گا۔

پہلے مرحلے میں ایف, جی اور آئی سیکٹر کے ساتھ ساتھ ڈی 12 کو مرکزی میٹرو نیٹ ورک سے بسوں کےذریعے منسلک کیا جائے گا۔ان فیڈر روٹس سے تقریباً ایک لاکھ مسافروں کو آرام دہ اور بین الاقوامی معیار کی سفری سہولیات میسر آئیں گی۔وزیرِ اعظم محمد شہباز شریف کی منصوبے کو ترجیحی بنیادوں پر مکمل کرنے کی ہدایت پر اسلام آباد میں سفری سہولیات کی بہتری اور سیکٹرز کو میٹرو بس سسٹم سے منسلک کرنے کے منصوبے کا اجراء کر دیا گیا۔