’’اسرائیل پر حملہ کیا تو نہیں چھوڑوں گا‘‘امریکہ کی ایران کو دھمکی

(24 نیوز)امریکہ  نے بھی ایران کو دھمکی دیتے ہوئے کہا ہے کہ اگر اسرائیل پر حملہ ہوا تو  ہماری طرف سے رد عمل بھی سخت ہوگا۔

امریکی حکام نے کہا کہ ایران نے اسرائیل پر حملہ کیا تو ہم  اسرائیل کے ساتھ اور اس  کو جوابی کارروائی سے نہیں روک سکیں گے۔

امریکی میڈیا نے چند روز قبل اطلاع دی تھی کہ 5 نومبر کو ہونے والے امریکی صدارتی الیکشن سے قبل ایران اسرائیل کو نشانہ بنا سکتا ہے۔

گزشتہ روز بھی ایرانی سپریم لیڈر آیت اللّٰہ خامنہ ای کا کہنا تھا کہ ایران کے خلاف اقدامات پر امریکہ و اسرائیل کو سخت جواب ملے گا۔

تہران میں ایک تقریب میں ان کا کہنا ہے کہ امریکہ اور صیہونی حکومت سمیت دشمنوں کو جان لینا چاہیے کہ بلاشبہ وہ ایران اور مزاحمتی محاذ کے خلاف جو کچھ کریں گے، اس کا انہیں منہ توڑ جواب ملے گا۔

ایران کے اسرائیل پر ’’حتمی اور تکیلف دہ‘‘ حملے کی تاریخ سامنے آگئی

ایرانی حکام کا کہنا تھا کہ تہران کا ردعمل اس وقت تک نہیں آئے گا جب تک پانچ نومبر کو ہونے والے انتخابات نہ ہوجائیں۔

دوسری جانب اسرائیلی وزیراعظم نیتن یاہو نے دعویٰ کیا تھا کہ ایران پر حالیہ حملوں کے بعد ایران میں کسی بھی ہدف کو نشانہ بنانا ممکن ہے۔