کرکٹر ساجد خان پاکستانی ٹیم کے’’  گجر ، کٹپا ، سجو اور لالہ‘‘

(24 نیوز)انگلش بیٹرز کے چھکے چھڑا نیوالے ساجد خان کو ٹیم میں کس نام سے پکارتے ہیں؟کھلاڑی نے خود بتا دیا۔

قومی ٹیم کے ٹیسٹ کرکٹر ساجد خان کا کہنا ہے کہ انھیں سابق کپتان بابر اعظم گجر اور موجودہ کپتان شان مسعود سجو کہہ کر پکارتے ہیں۔

 نجی ٹی وی کے پروگرام میں  ساجد خان نے کہا کہ فخر زمان کو فوجی جبکہ دیگر کھلاڑیوں کے بھی کئی نام ہیں آپ کو ٹیم میں کس نک نیم سے بلایا جاتا ہے؟

سوال کے جواب پر ساجد خان نے بتایا کہ جب بابر اعظم کپتان تھے تو وہ مجھے گجر کہہ کر مخاطب کرتے تھے اب کپتان شان مسعود سجو کہہ کر پکارتے ہیں۔

 ٹیسٹ کرکٹر کا کہنا تھا کہ سوشل میڈیا پر تو لوگوں نے میرے  مختلف نام رکھے ہوئے ہیں کوئی کٹپا کہتا ہے، کوئی سنجو کہتا ہے اور کوئی لالہ کہہ کر بلاتا ہے۔

 ساجد خان نے بتایا کہ ’ میں نے انڈر 13، انڈر 16، انڈر 19اور انڈر 23میں بھی کپتانی کی ہے، کلب لیول میں 12 سال سے کپتانی کررہا ہوں اور فرسٹ کلاس میں بھی کپتانی کرچکا ہوں ۔

 ساجد خان نے یہ بھی بتایاکہ ان کے پسندیدہ کپتان مہندرا سنگھ دھونی ہیں۔