اسلام آباد پولیس کے 240 افسران کی اگلے عہدوں پر ترقیاں

(24 نیوز)اسلام آباد پولیس کے 240 افسران کی اگلے عہدوں پر ترقیاں ہوگئیں۔

ڈی آئی جی ڈاکٹر سید مصطفیٰ تنویر کی زیر صدارت ڈپارٹمنٹل پروموشن بورڈز کا اجلاس ہوا۔

پروموشن بورڈ نے 2 انسپکٹرز، 20 سب انسپکٹر، 55 اے ایس آئیز، 65 ہیڈ کانسٹیبلز کی اگلے عہدوں پر ترقی کی سفارش کی۔

کانسٹیبل سے ہیڈ کانسٹیبل کی ترقی کا بورڈ اجلاس اے آئی جی لاجسٹکس شعیب مسعود کی زیرِ صدارت ہوا۔

نوٹیفکیشن کے مطابق بورڈ نے 98 کانسٹیبلز کو ہیڈ کانسٹیبل کے رینک پر ترقی کی سفارش کی۔

آئی جی اسلام آباد علی ناصر رضوی نے کہا ہے کہ پروموشن ہر افسر کا بنیادی حق ہے، بڑی تعداد میں ترقیوں سے افسران کا مورال بلند ہوگا۔