(24نیوز)فلوریڈا میں ایک 7 سالہ لڑکا جو اپنے والد کے ساتھ مچھلی کا شکار کر رہا تھا، مچھلی پکڑ کر بمشکل کنارے پر لائے تو ایک مگر مچھ پانی سے باہر آیا اور مچھلی ہڑپ گیا ، جس کی وجہ سے مچھلی پکڑنے والے ہک میں مگر مچھ پھنس گیا۔
بین الاقوامی میڈیا رپورٹس کے مطابق سوشل میڈیا پر ایک ویڈیو وائرل ہورہی ہے جس میں ایک شخص کو اپنے 7 سالہ بیٹے کے ساتھ مچھلی کا شکار کرتے ہوئے دیکھا جاسکتا ہے۔
میک موہن نامی شخص اپنے بیٹے کی حوصلہ افزائی کر رہا ہے اور اسی دوران مچھلی ہُک میں پھنس جاتی ہے جس کے بعد وہ اُسے کنارے پر لانے کے لیے جدوجہد کرتے ہیں۔
جیسے ہی مچھلی سمندر کے کنارے کے قریب پہنچتی ہے تو اچانک ایک مگرمچھ پانی سے باہر آیا اور مچھلی کو پکڑ لیا جس کی وجہ سے بچے کا آلہ بھی مگرمچھ کے منہ میں آ گیا اور وہ دونوں چیزیں جھیل میں لے گیا۔
یہ بھی پڑھیں: نجی ائیر لائن کا طیارہ حادثے سے بال بال بچ گیا