عمر شریف کی میت کل پاکستان روانہ کئے جانے کا امکان

(نیوزایجنسی)گزشتہ روز جرمنی میں انتقال کرجانے والے لیجنڈ کامیڈین عمر شریف کا جسد خاکی کل پیرکو پاکستان روانہ کئے جانے کا امکان ہے جبکہ تدفین منگل کوہوگی۔
ذرائع کے مطابق لیجنڈ کامیڈین عمر شریف کا جسد خاکی پاکستان لانے اور ان کی تدفین کے حوالے سے حکومتی سطح پر کوششیں کی جارہی ہیں،جرمنی میں پاکستان کے سفارت خانے کا عمر شریف کے ہمراہ علاج کے لیے جانے والی ان کی اہلیہ سے مسلسل رابطہ ہے۔میڈیا رپورٹس کے مطابق حکومتی سطح پر کوششیں کی جارہی ہیں کہ عمر شریف کے جسد خاکی کو پیر کے روز جرمنی سے پاکستان کے لیے روانہ کرادیا جائے تاکہ مرحوم کے اہل خانہ کی خواہش کے مطابق ان کی تدفین ہوسکے۔
یہ بھی پڑھیں:سرحد پر چینی فوجیوں کی موجودگی میں بڑا اضافہ ۔۔بھارتی آرمی چیف نے بھی جوابی وار کر دیا