لیڈی ڈیانا، مائیکل جیکسن آج زندہ ہوتے تو کیسے نظر آتے؟
Stay tuned with 24 News HD Android App
(ویب ڈیسک )ترکی سے تعلق رکھنے والے ایک فنکار الپر یسیلٹاس کی جانب سے مصنوعی ذہانت کا استعمال کرتے ہوئے دنیا سے کوچ کر جانے والی معروف ترین شخصیات کے خاکے بنائے گئے ہیں۔
تفصیلات کے مطابق ترکش فنکار الپر یسیلٹاس نے وفات کے بعد بھی شہرت رکھنے والی اور چاہے جانے والی معروف شخصیات سے اُن کے مداحوں کو ملوا دیا ہے۔مصنوعی ذہانت کا استعمال کرتے ہوئے الپر یسیلٹاس نے خاکوں کے ذریعے بتایا ہے کہ اگر پرنسس ڈیانا، امریکی گلوکار مائیکل جیکسن، ہیتھ لیجر، پال واکر، جان لینن سمیت کئی مشہور شخصیات اگر آج زندہ ہوتیں تو کیسی نظر آتیں؟
الپر یسیلٹاس نے اپنے سوشل میڈیا اکاؤنٹ انسٹاگرام پر آنجہانی سیلیبریٹیز کے مصنوعی ذہانت سے تیار کردہ خاکے شیئر کیے ہیں۔
الپر یسیلٹاس نے لیڈی ڈیانا کا خاکہ شیئر کرتے ہوئے لکھا ہے کہ ’جیسے کہ کچھ ہوا ہی نہیں‘۔
View this post on Instagram
دوسری جانب الپر یسیلٹاس نے مائیکل جیکسن کی تصویر شیئر کرتے ہوئے لکھا ہے کہ میں آپ کے ساتھ اپنی مصنوعی ذہانت پر مبنی پروجیکٹ کا پہلا حصہ شیئر کرنا چاہتا ہوں جس کا نام ہے ’جیسے کہ کچھ ہوا ہی نہیں‘۔
View this post on Instagram
انہوں نے مزید لکھا ہے کہ اس پروجیکٹ کے پیچھے یہ سوال چھپا ہوا ہے کہ ’اگر دنیا سے کوچ کر جانے والے یہ خوبصورت لوگ آج زندہ ہوتے تو کیسے نظر آتے‘۔
الپر یسیلٹاس نے شہزادی ڈیانا مائیکل جیکسن کے علاوہ ہیتھ لیجر، ایمی وائن ہاؤس، پال واکر، فریڈی مرکری اور جان لینن سمیت دیگر کی شاندار تصاویریں بھی اپنے انسٹاگرام پر شیئر کی ہیں۔