سائفر کے معاملے پر عمران خان کے متضاد بیانات!!

Oct 03, 2022 | 16:02:PM
سائفر کے معاملے پر عمران خان کے متضاد بیانات سامنے آنے لگے، سابق وزیراعظم نے جلسوں میں سائفر کو امریکی سازش سے جوڑا تو آڈیو لیک میں سائفر پر ساتھیوں کو امریکا کا نام لینے سے منع کیا جبکہ ایک انٹرویو میں انہوں نے سائفر ہی گم کر دیا
کیپشن: سابق وزیراعظم عمران خان
Stay tuned with 24 News HD Android App
Get it on Google Play

(عثمان دل محمد سے) سائفر کے معاملے پر عمران خان کے متضاد بیانات سامنے آنے لگے، سابق وزیراعظم نے جلسوں میں سائفر کو امریکی سازش سے جوڑا تو آڈیو لیک میں سائفر پر ساتھیوں کو امریکا کا نام لینے سے منع کیا جبکہ ایک انٹرویو میں انہوں نے سائفر ہی گم کر دیا۔

گزشتہ روز پریس کانفرنس میں مسلم لیگ نے الزام عائد کیا کہ سائفر کی کاپی وزیراعظم ہاؤس سے غائب ہے، عمران خان وزیراعظم ہاؤس سے جاتے جاتے منرل واٹر کی 2000 بوتلیں بھی ساتھ لے گئے، سائفر کے نام پر ملک کے خلاف سازش کرنے کا معاملہ منطقی انجام تک نہ پہنچایا گیا تو یہ آئین کے ساتھ غداری ہوگی۔ لیگی رہنماؤں کا کہنا تھا کہ اپنی ہی جماعت کی حکومت سے شکوہ کیا کہ قانون کے جو ہاتھ غدار کے گریبان تک پہنچنے چاہئیں تھے وہ کیوں نہیں پہنچے، وزیر داخلہ بنی گالہ پر چھاپہ ماریں وہاں سے سائفر مل جائے گا۔

واضح رہے وزیراعظم شہباز شریف کی زیر صدارت ہونے والے وفاقی کابینہ کے اجلاس میں انکشاف ہوا تھا کہ مبینہ دھمیوں والا امریکی سائفر ملنے کی تصدیق تو ہوئی لیکن سائفر موجود نہیں ہے۔

اس پر سابق وزیراعظم و چیئرمین تحریک انصاف عمران خان نے نجی ٹی وی کو دیئے گئے انٹرویو میں کہا کہ ایک سائفر میرے پاس تھا، وہ غائب ہوگیا، کہاں گیا مجھے نہیں پتا۔ ان کا کہنا تھا سائفر میں جو چیزیں آئی ہیں وہ باتیں جلسوں میں کی ہیں، او آئی سی کی میٹنگ کے بعد بھی ملک کا نام نہیں بتایا۔

دوسری جانب عمران خان کا سائفر کے معاملے پر آڈیو میں بھی یوٹرن سامنے آیا، اس آڈیو کا آغاز عمران خان کی آواز سے ہوتا ہے اور وہ کہہ رہے ہیں کہ ’اچھا اب ہم نے صرف کھیلنا ہے، نام نہیں لینا امریکہ کا۔۔۔ بس صرف کھیلنا ہے اس کے اُوپر کہ یہ تاریخ پہلے سے تھی۔‘

جب ان سے سوال کیا گیا کہ وہ اس بیان کا دفاع کیسے کریں گے تو انھوں نے کہا کہ 'اس کے اوپر تو میں کھیلا ہی نہیں ابھی، اب یہ ایکسپوز کریں گے تو کھیلیں گے اس کے اوپر۔'

آڈیو میں سابق وزیرِ اعظم کے پرنسپل سیکریٹری اعظم خان کو سائفر کے حوالے سے ایک میٹنگ بلانے کا مشورہ دیتے بھی سُنا جا سکتا ہے اور وہ اس اجلاس میں اس وقت کے وزیرِ خارجہ شاہ محمود قریشی اور خارجہ سیکریٹری کو بلانے کے لیے کہتے ہیں۔

خیال رہے سابق وزیراعظم عمران خان نے 27 مارچ کو ایک بڑے جلسہ عام سے خطاب کرتے ہوئے جیب سے ایک خط نکال کر لہراتے ہوئے دعویٰ کیا کہ بیرونِ ملک سے ان کی حکومت گرانے کی سازش ہو رہی ہے اور انھیں ’لکھ کر دھمکی دی گئی ہے‘۔ ان کا یہ بھی کہنا تھا کہ ان کے خلاف آنے والی تحریکِ عدم اعتماد کا تعلق بھی اسی ’دھمکی آمیز خط‘ سے ہے۔

دیگر کیٹیگریز: پاکستان - قومی - ضرور پڑھئے - اہم خبریں
ٹیگز:

متعلقہ خبریں