بھارتی اداکارہ سے ویڈیو کال پر بات کرنا مداح کو مہنگا پڑگیا

(ویب ڈیسک) بھارتی ٹیلی ویژن کی معروف اداکارہ اونیت کور سے انسٹاگرام لائیو پر بات کرنے پر  مداح کی ماں کے ہاتھوں پٹائی ہوگئی۔    

اداکارہ اونیت کور کے انسٹاگرام لائیو کی ایک ویڈیو ان دنوں سوشل میڈیا کی زینت بنی ہوئی ہے جس میں ہوا کچھ یوں کہ انسٹاگرام پر بھارتی اداکارہ اپنے مداحوں سے لائیو گفتگو کر رہی تھیں کہ اس دوران انہیں ایک عجیب صورت حال کا سامنا کرنا پڑا۔

Kalesh during Avneet kaur’s Insta live b/w Son and Mom pic.twitter.com/m7SYZfC4Fg

— Ghar Ke Kalesh (@gharkekalesh) September 30, 2023

وائرل ویڈیو میں دیکھا جاسکتا ہے کہ اداکارہ انسٹاگرام پر اپنے مداحوں سے لائیو گفتگو کررہی ہیں اور اس دوران ایک مداح کو اپنے ساتھ لائیو لیتی ہیں۔گفتگو کرنے کے بعد اونیت مداح کا شکریہ ادا کرتی ہیں اور اسے اپنا خیال رکھنے کا کہتی ہیں کہ اس دوران مداح کی والدہ غصے میں بپھری ہوئی اس کے پیچھے آجاتی ہیں اور فوراً ہی اس کی پٹائی کرنا شروع کردیتی ہیں۔

مزید پڑھیں:  عائزہ خان کی نئی پوسٹ نے مداحوں کو تشویش میں مبتلا کر دیا

صرف یہی نہیں بلکہ وہ اپنے بیٹے سے پوچھنا شروع کردیتی ہیں کہ یہ لڑکی کون ہے؟ بھارتی میڈیا کے مطابق لڑکے کی والدہ سمجھتی ہیں کہ وہ اپنی گرل فرینڈ سے بات کر رہا ہے، تب ہی اس کی پٹائی لگانا شروع کردیتی ہیں جب کہ اس دوران اداکارہ پریشان ہونے کے ساتھ ساتھ مسکراتی ہوئی بھی نظر آرہی ہیں۔

انسٹاگرام پر لائیو گفتگو کے دوران یہ پورا منظر اب سوشل میڈیا پر وائرل ہوچکا ہے اور صارفین کی جانب سے اس پر دلچسپ تبصروں کا سلسلہ جاری ہے۔