فاسٹ اٹیک کے دنیا بھر میں چرچے، بابر بھی دل کی بات زبان پر لے آئے

(24 نیوز )ایشیا کپ میں بارش کے باعث پاکستان اور بھارت کے درمیان ہونے والا میچ  بے نتیجہ ختم ہوگیا تاہم قومی ٹیم کے فاسٹ بولرز  نے  پوری  بھارتی ٹیم کو  آؤٹ کرکے اپنی دھاک بیٹھا دی ہے۔ 

بھارت کی پوری ٹیم 49 ویں اوور میں 266 رنز بنا کر آؤٹ ہوگئی تھی ، پاکستان کی جانب سے شاہین شاہ آفریدی نے 35 رنز دے کر 4 کھلاڑیوں کو پویلین روانہ کیا جب کہ نسیم شاہ نے 36 رنز دے کر 3 وکٹیں اور حارث رؤف نے 58 رنز دے کر 3 وکٹیں حاصل کیں۔

میچ کے بعد قومی ٹیم کے کپتان بابر اعظم نے بولرز کی  خوب تعریف کی سوشل میڈیا سائٹ ایکس پر پوسٹ کیا کہ ' بولرز کی اس طرح کی کارکردگی سے پوری ٹیم  کا اعتماد بڑھا ہے، بابر نے تینوں فاسٹ بولرز کو ٹیگ کرتے ہوئے لکھا کہ یہ لوگ ساری تعریف کے مستحق ہیں، کپتان نے فاسٹ ٹریو کی تصاویربھی شیئر کیں جس میں تینوں فاسٹ بولرز وکٹس لینے کے بعد خوشی منا رہے ہیں ۔

Bowlers putting in such performance is a confidence booster for the entire team. @iShaheenAfridi, @HarisRauf14 & @iNaseemShah deserve all the applause ???? pic.twitter.com/YrxCHGWNwJ

— Babar Azam (@babarazam258) September 2, 2023