مشہور ٹک ٹاک جوڑی کی مہندی تقریب ۔۔ویڈیوز سوشل میڈیا پر وائرل

Apr 04, 2021 | 13:21:PM
مشہور ٹک ٹاک جوڑی کی مہندی تقریب ۔۔ویڈیوز سوشل میڈیا پر وائرل
Stay tuned with 24 News HD Android App
Get it on Google Play

(24نیوز)پاکستان کی نامور ٹک ٹاکر کنول آفتاب نے اپنی مایوں اور مہندی کی تقریب کی تصاویر اپنے آفیشل انسٹاگرام اکاؤنٹ کی سٹوری میں شیئر کر دیں جن میں دیکھا جاسکتا ہے کہ کنول آفتاب پیلے رنگ کے روایتی مایوں کے لباس میں ملبوس ہیں۔

پاکستان کی معروف ٹک ٹاک جوڑی کنول آفتاب اور ذوالقرنین حیدر  رشتہ ازدواج سے منسلک ہونے جارہے ہیں۔ دونوں ٹک ٹاکرز نے کورونا کی تیسری لہر کے پیش نظر اپنے اپنے گھر پر مہندی کی  مختصر تقریب کا انعقاد کیا۔  کنول آفتاب نے اپنے انسٹا گرام کے آفیشل پیج سے  مہندی  تقریب کی تصویریں اور ویڈیوزشیئر کی ہیں۔ تصویر میں دیکھا جاسکتا ہے کہ کنول آفتاب کے دونوں ہاتھوں میں ٹک ٹاک سٹار ذوالقرنین سکندر کے نام کی مہندی لگی ہوئی ہے۔

  دوسری جانب ذوالقرنین سکندر نے بھی اپنی انسٹا سٹوری میں اپنی مایوں کی تقریب کی تصویریں شیئر کیں۔تصویروں میں دیکھا جاسکتا ہے کہ ذوالقرنین سکندر نے سفید لباس زیب تن کیا ہوا ہے اور ان کے چہرے پر ابٹن بھی لگا ہوا ہے۔

  واضح رہے کہ کنول آفتاب اور ذوالقرنین سکندر قریبی دوست ہونے کے ساتھ ہی مختصر ویڈیو شیئرنگ ایپ ٹک ٹاک کے مقبول ترین ٹک ٹاکرز بھی ہیں۔ ٹک ٹاک ماڈل کنول آفتاب کے مختصر ویڈیو شیئرنگ ایپ ٹک ٹاک پر 12 اعشاریہ 1 ملین فالوورز ہیں جبکہ ذوالقرنین سکندر کے ٹک ٹاک فالوورز کی تعداد 11 اعشایہ 6 ملین ہے۔ لاہور سے تعلق رکھنے والی کنول آفتاب صرف ایک ٹک ٹاک سٹار ہی نہیں بلکہ وہ گزشتہ کچھ سالوں سے ایک نجی ویب چینل پر میزبانی کے فرائض بھی سرانجام دے رہی ہیں۔

دیگر کیٹیگریز: انٹرٹینمنٹ - مقبول ترین
ٹیگز:

متعلقہ خبریں