شام کا ایک منفرد گاؤں

(ویب ڈیسک) کچھ جگہوں کی ایسی خاصیت ہوتی ہے جو اسے دنیا میں ممتاز بناتی ہے شام میں بھی ایسا ہی ایک گاؤں ہے جو نابینا افراد کے لیے بنایا گیا ہے۔

غیر ملکی میڈیا کے مطابق شام میں بصارت سے محروم افراد کے لیے ایک ایسا گاؤں بنایا گیا ہے جہاں وہ اطمینان اور سکون کے ساتھ محفوظ اور آرام دہ زندگی گزار سکتے ہیں۔

اس گاؤں کو النوریا ’’بریل‘‘ کے نام سے پکارا جاتا ہے جو عالمی سطح پر تسلیم شدہ نابیناؤں کیلئے نظام تحریر (بریل) کی مناسبت سے دیا گیا ہے۔ اس گاؤں کو کچھ ایسے منفرد انداز میں ڈیزائن کیا گیا ہے کہ جس میں نابینا افراد بغیر کسی تکلیف کے زندگی گزارتے ہیں۔

گاؤں میں مختلف ادارے بھی موجود ہیں جن میں عبادت گاہ اور اسکول شامل ہیں جہاں نابینا افراد کو مختلف موضوعات پر لیکچر دیا جاتا ہے۔

رپورٹ کے مطابق بریل گاؤں میں نابینا افراد کی پرورش، تحفظ اور انہیں زندگی میں کیا کیا حالات درپیش آسکتے ہیں، اس کے بارے میں بھی بتایا جاتا ہے۔