(ویب ڈیسک)بالی ووڈ کی سینئر اداکارہ رانی مکھرجی نے اپنے حالیہ انٹرویو میں کہا کہ "وہ رومانس کی دنیا کے ہیرو شاہ رخ خان کے ساتھ بوڑھے ہونے تک رومانس کرنا چاہتی ہیں"۔
تفصیلات کے مطابق معروف اداکارہ رانی مکھر جی آج کل اپنی نئی فلم "مسز چترجی ورسز ناروے" کی کامیابی سے لطف اندوز ہو رہی ہیں اور اس کی تشہیر میں مصروف ہیں ۔
حال ہی میں اداکارہ نے انٹرویو دیتے ہوئے کہا کہ "مجھے شاہ رُخ خان کے ساتھ رومانس کرنا بہت پسند ہے اور میں بوڑھے ہونے تک ان کے ساتھ رومانس کرنا چاہتی ہوں"۔
رانی مکھرجی کا کہنا تھا کہ" اگر لکھاری اچھی محبت کی کہانی لکھیں تو میں شاہ رُخ کے ساتھ دوبارہ سکرین پر رومانس کرنا چاہوں گی, چاہے میں 80 برس کی اور شاہ رخ 95 سال کے ہوجائیں، رومانوی کردار کےلیے میری ترجیح وہی ہوں گے"۔