بھارت :شادی کی 25 ویں سالگرہ مناتے ہوئے شوہر کا انتقال

(24 نیوز)بھارت میں شادی کی 25 ویں سالگرہ کی خوشی میں دی گئی تقریب میں شوہر کا انتقال ہو گیا۔

بھارتی میڈیا کے مطابق ریاست اتر پردیش میں وسیم سروت اور ان کی اہلیہ فرح اپنی شادی کی 25 ویں سالگرہ منا رہے تھے، اس کے لیے ایک تقریب کا بھی اہتمام کیا گیا تھا۔

تقریب میں جوڑے کے رشتے دار بھی موجود تھے، سٹیج پر خاتون کے گھر والے ڈانس کر رہے تھے کہ اسی دوران وسیم اچانک زمین پر گر گیا۔

وسیم کو فوری طور پرہسپتال منتقل کیا گیا جہاں ڈاکٹروں نے دل کا دورہ پڑنے کے باعث اس کی موت کی تصدیق کر دی۔

وسیم سروت نامی شخص کی عمر 50 سال تھی اور وہ جوتوں کے تاجر تھے۔

مزید پڑھیں:25 سالہ جرمن خاتون کو ٹیکسی ڈرائیور نے زیادتی کا نشانہ بنا ڈالا