احدرضا میر سے شادی: دنانیرمبین نے خاموشی توڑ دی
Stay tuned with 24 News HD Android App
(ویب ڈیسک)خوبرواداکارہ اور ٹک ٹاکر دنانیرمبین نے باصلاحیت اداکار احد رضا میر سے شادی کی خبروں پر خاموشی توڑ دی۔
دنانیر مبین اور احد رضا میر ان دنوں اپنے کامیاب ڈرامے"میم سے محبت" کی وجہ سے خبرو کا حصہ ہیں،تاہم اس ڈرامے کے آتے ہی آن اسکرین جوڑی کو لوگوں نے حقیقی زندگی میں بھی ایک دوسرے سے جوڑنا شروع کردیا ہے۔
دنانیرمبین نے حال ہی میں گریجویشن کی تو احد رضا میر کے والد سینئر اداکار آصف رضا میر نے انہیں مٹھائی کا ٹوکرا بطور تحفہ پیش کیا جبکہ احدرضامیر نے انہیں ڈرامے کے سیٹ پر نوٹوں کا ہار پہنایا جس کی ویڈیو سوشل میڈیا پر خوب وائرل ہوئی اور صارفین اسے ان کا رشتہ پکا ہونے کا جشن سمجھ بیٹھے۔
دنانیرمبین نے حال ہی میں ایک انٹرویو میں احد رضا میر سے شادی کی افواہوں کی تردید کرتے ہوئے واضح کیا ہے کہ وہ ان کے گریجویشن مکمل کرنے کا ایک چھوٹا سا جشن تھا اور احد رضا میر کی والدہ نے ان کیلئے گھر سے گوشت پکا کر بھی بھیجا تھا جبکہ احد اور ان کے والد آصف رضا میر سیٹ پر ان کے لیے ہار لے کر آئے تھے۔
دنانیر مبین نے کہا کہ وہ ایک اداکارہ ہیں اور انہیں اچھا لگتا ہے کہ لوگ ان کے کرداروں کو اس قدر پسند کرتے ہیں لیکن وہ چاہتی ہیں کہ مداح ان کی ذاتی زندگی کو ان کی آن اسکرین جوڑیوں سے الگ رکھیں۔
یہ بھی پڑھیں:بالی ووڈ کے لیجنڈ اداکار منوج کمار87سال کی عمرمیں چل بسے
دنانیرمبین کا مزید کہنا تھا کہ ناظرین کو سمجھنا چاہیے کہ وہ ایک اداکار ہیں اور وہ ایک ایسا کردار ادا کر رہی ہیں جو ان کی اصل زندگی سے بہت دور ہے۔