راحت فتح علی خان برطانیہ پہنچ گئے،کہاں کہاں پرفارم کریں گے؟
Stay tuned with 24 News HD Android App
(ویب ڈیسک)معروف گلوکار راحت فتح علی خان فن کا مظاہرہ کرنے کے لیے برطانیہ پہنچ گئے ۔
راحت فتح علی خان برمنگھم، لندن اور مانچسٹر میں اپنے مداحوں کے لئے پرفارم کریں گے۔ لندن میں پریس کانفرنس کے دوران راحت فتح علی خان نے کہا کہ وہ بارہ سال کی عمر میں پہلی بار برطانیہ آئے تھے اور انہیں برطانوی عوام سے خاص لگاؤ ہے۔
اس ٹور میں راحت فتح علی خان کے ساتھ ان کے صاحبزادےشاہ زمان علی خان بھی موجود ہیں، جو اس ٹور کے دوران پہلی بار بڑے آڈیٹوریم میں پرفارم کریں گے۔ اس کے علاوہ گلوکار وارث بیگ کے صاحبزادے عمار بیگ بھی اس ٹور میں راحت فتح علی خان کے ساتھ شامل ہیں۔
راحت فتح علی خان کاکہناہے کہ وہ اپنے فارغ اوقات میں مہدی حسن، ملکہ ترنم نورجہاں، محمد رفیع، کشور کمار اور لتا منگیشکر کی موسیقی بڑے شوق سے سنتے ہیں۔
معروف گلوکار نے اپنے مداحوں سے اپنی پرفارمنس کے لیے بھرپور محبت اور حمایت کا بھی شکریہ ادا کیا۔