ہیوسٹن میں منی لانڈرنگ کیخلاف کریک ڈاؤن، پاکستانیوں سمیت 45 افراد گرفتار

(24 نیوز)ہیوسٹن میں منی لانڈرنگ اور دیگر الزامات پر ایف بی آئی نے کارروائی کرتے ہوئے 45 افراد کو گرفتار کرلیا۔

امریکی میڈیا کے مطابق ایف بی آئی نے منی لانڈرنگ اور دیگر الزامات پر کریک ڈاؤن کرتے ہوئے گھروں میں چھاپے مارے۔

ایف بی آئی نے چھاپوں کے دوران 45 افرادگرفتار  کیے جن میں سے زیادہ تر افراد پاکستانی نژاد ہیں۔

میڈیا رپورٹس کے مطابق منی لانڈرنگ کے خلاف کریک ڈاؤن میں ایف بی آئی کے 700 اہلکاروں نے حصہ لیا، گرفتار افراد میں 31 غیر قانونی تارکین وطن بھی شامل ہیں۔