تنور سے عوام کو 2 روپے میں روٹی کی فراہمی شروع

(ویب ڈیسک)گورنر سندھ کامران خان ٹیسوری نے غازی تنور کا افتتاح کر دیا، اس تنور سے عوام کو 2 روپے میں روٹی دستیاب ہو گی۔
اس موقع پر گورنر سندھ کامران خان ٹیسوری نے کہا کہ عوام کی فلاح و بہبود کے اقدامات جاری رکھے جائیں گے، شہر بھر میں اس طرح کے 48 تنور لگانے کیلئے جگہ لے لی گئی ہے، 4 مزید تنوروں کا جلد افتتاح کروں گا۔

غازی تندور کا افتتاح کردیا
جس سے عوام کو 2 روپے میں روٹی دستیاب ہوگی،عوام کی فلاح و بہبود کے اقدامات جاری رکھے جائیں گے،شہر بھر میں اس طرح کے 48 تندور کی جگہ لے لی گئی ہے،4 مزید تندور کا جلد افتتاح کروں گا pic.twitter.com/02WQQjewES

— Kamran Tessori (@KamranTessoriPk) December 4, 2023

گورنر سندھ کا کہنا تھا کہ عوام کے مسائل حل کرنے سے خوشی ملتی ہے، چاہے کوئی کچھ بھی کہے عوام سے رابطہ نہیں توڑوں گا۔
کامران خان ٹیسوری نے مزید کہا کہ آئی ٹی کورسز کے ایڈمٹ کارڈ کا اجرا شروع کر دیا گیا ہے، ان کورسز کے ذریعے 50 ہزار طالب علموں کو آئی ٹی کے جدید ترین کورسز گورنر ہاؤس میں پڑھائے جائیں گے۔

گورنرہاﺅس میں آئی ٹی کلاسز کے لئے ایڈمٹ کارڈ کا اجراء،ایڈمٹ کارڈ لینے آنے والے طالب علموں سے ملاقات آج سے 50 ہزار طالب علموں کے روشن مستقبل کا آغاز ہوگیا ہے، pic.twitter.com/rpePxlACa3

— Kamran Tessori (@KamranTessoriPk) December 4, 2023

انہوں نے کہا کہ گورنرہاؤس میں مارکی تیار ہو چکی ہے، کمپیوٹرز بھی لگوا دیئے گئے ہیں، ان تمام اقدامات پر کسی بھی طرح کے سرکاری فنڈز استعمال نہیں کئے گئے ہیں۔

یہ بھی پڑھیں:مہنگے پیٹرول سے پریشان عوام کیلئے خوشخبری