سرڈان بریڈمین کی ٹیسٹ گرین کیپ 7 کروڑ روپے میں نیلام 

( 24  نیوز)سابق آسٹریلوی لیجنڈری کرکٹر سرڈان بریڈ مین کی 80 سال پرانی ٹیسٹ  بیگی گرین کیپ  3 لاکھ 90 ہزار آسٹریلوی ڈالر میں نیلام ہو گئی۔

غیر ملکی میڈیا رپورٹس کے مطابق سڈنی کے مقامی نیلام گھر میں سر ڈان بریڈمین کی بیگی گرین کیپ کی نیلام ہوئی۔ یہ رقم پاکستانی کرنسی میں 7 کروڑ روپے سے زائد بنتی ہے۔

 رپورٹ میں بتایا گیا ہے کہ آنجہانی سر ڈان بریڈمین نے یہ ٹیسٹ کیپ اپنی آخری ٹیسٹ سیریز کے دوران پہنی تھی، جو 48-1947 میں بھارت کے خلاف آسٹریلیا میں کھیلی گئی تھی۔

دائیں ہاتھ کے بیٹر بریڈمین نے اس سیریز میں شاندار کارکردگی کا مظاہرہ کرتے ہوئے اپنی 100 ویں فرسٹ کلاس سنچری  سکور کی تھی۔ انہوں نے 6 اننگز میں 715 رنز بنائے تھے جس میں 3 سنچریاں اور ایک ڈبل سنچری شامل تھی۔