معروف بھارتی کامیڈین سنیل پال لاپتہ،گمشدگی کی رپورٹ درج 

(ویب ڈیسک) معروف بھارتی کامیڈین سنیل پال لاپتہ ہو گئے، ان کی اہلیہ سریتا پال نے پولیس میں ان کی گمشدگی کی رپورٹ درج کروادی ۔

بھارتی میڈیا کے مطابق 49 سالہ کامیڈین ممبئی سے باہر ایک شو کے لیے گئے تھے اور انہوں نے بتایا تھا کہ وہ 3 دسمبر کو گھر واپس آئیں گے،تاہم جب مقررہ تاریخ پر واپس نہ پہنچنے پران کی اہلیہ نے پولیس سے رابطہ کیا اور شکایت درج کرواتے ہوئے کہا کہ وہ مسلسل ان کے فون پر رابطہ کرنے کی کوشش کر رہی ہیں، مگر کوئی جواب نہیں مل رہا۔

سنیل پال نے 2005 میں دی گریٹ انڈین لافٹر چیلنج جیت کر شہرت حاصل کی تھی،اس کے بعد "ہم تم" اور"پھر ہیرا پھیری" جیسی فلموں میں بھی معاون کردار ادا کیے تھے۔

یہ بھی پڑھیں:معروف جنوبی کورین اداکار دل کا دورہ پڑنے سے ہلاک

2017 میں سنیل پال نے فلم ساز انیس بزمی پر پرفارمنس کی ادائیگی نہ کرنے کا الزام لگاتے ہوئے کہاتھاکہ ان کے 20 سے 25 لاکھ روپے مختلف پروڈیوسرز کے پاس پھنسے ہوئے ہیں۔